UK: ब्रिटनमध्ये खलिस्तानकडून भारताच्या दूतावासावर हल्ला करण्यात आला होता. ब्रिटनच्या संसदेत हा मुद्दा सातत्याने चर्चेत आहे.

आता ब्रिटनच्या संसदेतील सदस्य बॉब ब्लॅकमॅन यांनी ब्रिटनच्या संसदेत आत्ता आपण खलिस्तानी लोकांना आपल्या देशात जागा देत आहोत.

त्यांना कायमचे बंद करण्यासाठी आपण काही उपाययोजना करु शकत नाही का असा प्रश्न विचारला आहे. यावर उत्तर देताना पेनी मोर्डंट यांनी म्हटले आहे की आपण भारतीय दूतावासाच्या सुरक्षेसाठी प्रयत्न करत आहोत.

भारतीय दूतावासाच्या सुरक्षेसंबंधी आपण चिंतित असून याप्रकरणाबाबत आपण सातात्याने भारताच्या संपर्कात आहोत असे त्यांनी म्हटले आहे.

याआधीदेखील बॉब ब्लॅकमॅन यांनी खलीस्तानच्या कृत्यांचा निषेध नोंदवला आहे. दरम्यान, रविवारी ब्रिटनमधल्या भारतीय दूतावासावर हल्ला करण्यात आला होता. याबरोबरच तिरंगा उतरवण्याचादेखील प्रयत्न केला होता. आता ब्रिटनची संसद यावर काय निर्णय घेणार हे पाहणे महत्वाचे ठरणार आहे.