Viral Video Woman Gulab Jamun: आजकाल सोशल मीडियावर प्रसिद्ध होण्यासाठी लोक काहीही करायला तयार आहेत. कधी-कधी तर असे व्हिडिओ (Video) समोर येतात की ते पाहून लोक विचारात पडतात, ‘हे काय चाललंय?’ असाच एक व्हिडिओ सध्या सोशल मीडियावर व्हायरल (Viral) झाला आहे, ज्यात एक महिला एकाच वेळी तीन मोठे गुलाबजाम (Gulab Jamun) खाण्याचा प्रयत्न करत आहे.

आधी हा व्हिडिओ पाहा!

व्हिडिओमध्ये काय आहे?

दरम्यान, व्हायरल झालेल्या व्हिडिओमध्ये एक महिला (Women) खुर्चीवर बसलेली दिसत आहे. तिच्यासमोर एका ताटात मोठे गुलाबजाम आहेत. ती एकाच वेळी तीन गुलाबजाम उचलते आणि ते खाण्याचा प्रयत्न करते. एकाचवेळी तीन गुलाबजाम खाणे शक्य नसल्याने, ती ते जबरदस्तीने तोंडात घालण्याचा प्रयत्न करते. तिचा हा प्रयत्न पाहून जणू काही ती एखाद्या पोत्यात सामान भरत असल्यासारखे वाटते.

नेटकऱ्यांच्या प्रतिक्रिया

@imnatasha09 नावाच्या अकाउंटवरुन हा व्हिडिओ ‘एक्स’ (X) या सोशल मीडिया (Social Midea) प्लॅटफॉर्मवर पोस्ट करण्यात आला आहे. “इंटरनेट चुकीच्या लोकांच्या हातात गेले आहे,” असे कॅप्शन या व्हिडिओला देण्यात आले. हा व्हिडिओ मोठ्या प्रमाणात पाहिला गेला असून, नेटकऱ्यांनी यावर अनेक प्रतिक्रिया दिल्या आहेत. एका युजरने म्हटले की, “गुलाबजामही विचार करत असेल की मी कुठे अडकलो!” दुसऱ्याने लिहिले की, “हे महादानवा, आम्हाला सोडून दे.” तसेच, अनेकांनी, “लोक काय-काय करतात,” अशा प्रतिक्रिया दिल्या.