Gujarat Fire Video: गुजरातमधील भरूच GIDC मध्ये भीषण आग लागली आहे. अग्निशमन दलाचे एक पथक घटनास्थळी हजर झाले आहे. आगीच्या या घटनेने परिसरात एकच खळबळ उडाली आहे. 

भरूच जीआयडीसीमधील एका पॅकेजिंग कंपनीत भीषण आग लागल्याची माहिती मिळाली आहे. आगीच्या ज्वाळा पाहून परिस्थिती भीषण असू शकते हे समजते.

अग्निशमन दलाच्या पाचहून अधिक गाड्या घटनास्थळी हजर झाल्या आहेत. आगीवर नियंत्रण मिळवण्याचे प्रयत्न सुरू आहेत. प्राथमिक माहितीत कोणतीही जीवितहानी झाल्याची माहिती नाही. अद्याप आगीचे कारण समजु शकले नाही.

गेल्या आठवड्यात वलसाड जिल्ह्यातील वापी भागातील जीआयडीसीमधील केमिकल कंपनीला भीषण आग लागली होती. आगीत शेजारील दोन कंपन्या जळून खाक झाल्या होत्या.