Goa live Updates: सरकारी कर्मचाऱ्यांसाठी आनंदवार्ता!! लवकरच मिळणार दिवाळी बोनस

दिवाळीचा सण काही दिवसांवर असतानाच राज्यातील सरकारी कर्मचाऱ्यांसाठी एक महत्वाची बातमी समोर आलीये. गोव्यात सरकारी कर्मचाऱ्यांना ३१ ऑक्टोबरपूर्वी दिवाळी बोनस मिळणार आहे.

आमदार वेंझी व्हिएगस, नगर रचना विभागाचे अधिकारी आणि ग्रामस्थांनी बुधवारी माजी भारतीय क्रिकेटपटू आशिष नेहराच्या केळशी येथील मालमत्तेची पाहणी केली. यादरम्यान त्यांनी ज्या जागेवर बेकायदेशीररीत्या रस्ता बांधण्यात आला आहे, त्या जागेच्या तात्काळ पुनर्वसनाची मागणी केलीये.

राज्यात सरकार बलरथ योजना सुरू ठेवणार आहे पण योजनेअंतर्गत नवीन बसेस देणार नाही. शाळेच्या व्यवस्थापनाने योजनेचा पैसा वापरत हा उपक्रम सुरु ठेवावा अशी माहिती मुख्यमंत्री डॉ. प्रमोद सावंत यांनी दिली आहे.

राज्यात गेल्या २४ तासांत वाळपईत सर्वाधिक ६१.२ मि.मी. पावसाची नोंद झाली आहे. याशिवाय म्हापश्यात १४.२ मि.मी., पेडण्यात ८.५ मि.मी., फोंड्यात २४.० मि.मी., पणजीत ६.० मि.मी., जुन्या गोव्यात ७.० मि.मी., साखळीत १५.४ मि.मी., काणकोणमध्ये २५.४ मि.मी., दाबोळीत ४२.४ मि.मी., मडगावात १७.४ मि.मी., मुरगाव येथे २९.८ मि.मी., केप्यात ३८.३ मि.मी. आणि सांग्यात ३२.० मि.मी., पावसाची नोंद झाली आहे.