Canacona News : सरकारी योजनाचा लाभ घ्या : तवडकर

Canacona News : काणकोण,भाजपच्या गाव चलो अभियानाला आमदार तथा सभापती रमेश तवडकर व कार्यकर्त्यांच्या उपस्थित काराशिरामळ, आगोंद येथून सुरवात करण्यात आली.

येथील प्रत्येक घराला भेट देत मोदी सरकारने गेल्या दहा वर्षांत केलेल्या कामाची माहिती देण्यात आली. लोकांकडून या अभियानाला चांगला प्रतिसाद मिळत असल्याचे तवडकर यांनी सांगितले.

तवडकर म्हणाले की, केंद्रातील तसेच राज्यातील भाजप सरकार अंत्योदय तत्त्वावर काम करीत आहे. त्यासाठी सरकार विविध योजना राबवत आहे. या योजनांचा लाभ समाजाच्या शेवटच्या घटकांपर्यंत मिळणे गरजेचे आहे. त्यासाठी हे अभियान राबवण्यात येत आहे.