Curtorim News: दुसऱ्याच्या जमिनीत घुसून भिंत पाडली; २ लाख रुपयांची हानी केल्याची तक्रार

बाकभाट-राय येथे बेकायदेशीरीत्या दुसऱ्याच्या जमिनीत घुसून भिंत पाडून सुमारे २ लाख रुपयांची हानी केल्याची तक्रार मायणा-कुडतरी पोलिस स्थानकात करण्यात आली आहे. ही घटना २२ जून २०२४ घडली, असे पोलिस तक्रारीत म्हटलेले आहे.

बाकभाट-राय येथील काही संशयित संगनमत करून तक्रारदार ऑस्कर आब्रे यांच्या मालमत्तेत घुसले आणि चिऱ्यांनी बांधलेली सुमारे ५७ मीटर लांबीची भिंत पाडली. संशयितांच्या या कृत्यामुळे तक्रारदाराला सुमारे २ लाख रुपयांची हानी झाल्याचे तक्रारीत म्हटलेले आहे. मायणा-कुडतरी पोलिसांनी गुन्हा नोंद केला आहे.