मालपे जंक्शनजवळ रेतीवाहू ट्रकला अपघात

पेडणे

सविस्तर माहितीनुसार, दामोदर ट्रान्सपोर्टचा जीए - ०४ - टी - २६६६ क्रमांकाचा ट्रक पणजीहून भालखाजन - कोरगाव येथे रेती नेण्यासाठी येत होता. मालपे येथील जंक्शनवर पोहचल्यावर ट्रकचालकाचा ताबा गेल्याने ट्रक वरून सुमारे सात फूट खाली पडला व त्यात हरपाल सिंग (वय २८) हा मूळ पंजाब व सध्या पणजी येथे राहाणारा चालक अडकून पडला.
यावेळी घटनास्थळी असलेले पेडणे अग्निशमन दलाचे जवान विष्णुदत्त परब यांनी ही माहिती पेडणे अग्निशमन दलाला कळविल्यावर पेडणे अग्निशमन दलाचे जवान घटनास्थळी पोहचले व त्यांनी चालकाला सुरक्षितरीत्या बाहेर काढले व रुग्णवाहिकेला माहिती देवून उपचारासाठी इस्पितळात पाठविले. पेडणे अग्निशमन दलाचे उपअधिकारी प्रशांत धारगळकर, चालक रामदास परब, जवान विशाल पाटील, रतन परब, संदेश पेडणेकर व विष्णुदत्त परब यांनी भाग घेतला. पेडणे पोलिस ठाण्यातील हवालदार रतन साळगावकर यांनी अपघाताचा पंचनामा केला.

Goa Goa Goa Goa