कोलकता : भाजपमध्ये प्रवेश करणारे तृणमूल कॉंग्रेसचे बंडखोर खासदार सुनील मोंडाल यांना आज तृणमूल कॉंग्रेस कार्यकर्त्यांच्या रोषाला सामोरे जावे लागले. मोंडाल यांना काल टीएमसीच्या कार्यकर्त्यांनी घेराव घातला आणि घोषणाबाजी केली. सुनील मोंडाल आज कोलकता येथील भाजप कार्यालयात पोचले. तेव्हा तेथे हजर असलेल्या तृणमूल कॉंग्रेस कार्यकर्त्यांनी त्यांच्या गाडीला घेरले. काळे झेंडे दाखवत घोषणाबाजी केली.
सुनील मोंडाल यांनी मागील आठवड्यात गृहमंत्री अमित शहा यांच्या उपस्थितीत भाजपमध्ये प्रवेश केला आहे. तृणमूल कॉंग्रेस कार्यकर्त्यांनी गाडीसमोर काही वेळ गोंधळ घातला. या प्रकारामुळे तणाव झाला होता. काही कार्यकर्त्यांनी गाडीच्या काचेवर बांगड्या फेकल्या तसेच दगडफेकही केली. त्यामुळे भाजप कार्यकर्ते आणि तृणमूल कॉंग्रेस कार्यकर्ते यांच्यात बाचाबाची होऊन वादावादी झाली. यावर मोंडाल म्हणाले की, आजच्या प्रकाराने तृणमूलचा खरा रंग समोर आला. ते लोकशाही तत्त्वावर विश्‍वास ठेवत नाहीत. एखाद्या लोकप्रतिनिधीला विरोध करण्यासाठी हा मार्ग योग्य आहे काय? असा प्रश्‍न त्यांनी केला. यावर तृणमूल कॉंग्रेसने दलबदलू लोकांविरुद्ध नागरिकांनी व्यक्त केलेला संताप आहे, अशी प्रतिक्रिया दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.