दाबोळी: भारतीय नौदलातर्फे (Indian Navy) कारवार ते नवी दिल्लीपर्यंत (Karwar to New Delhi) मोटरसायकल प्रवास मोहिम (Motorcycle expedition) हाती घेण्यात आली आहे. स्वर्णीम विजय अभियान अशा शिर्षकाखाली स्वर्णीय विजय वर्ष व आझादी का अमृत महोत्सवानिमित्त ही मोहिम असून योगायोगाने याच क्षणी नौदलाला प्रेसिडेन्ट कलर सन्मान प्राप्त झालेला आहे.
सोमवारी कारवार येथील सी बर्ड तळावरून या मोहिमेला प्रारंभ केला. येत्या दि. 3 ऑक्टोबर पर्यंत ही मोहिम चालणार आहे. 50 पेक्षा जास्त नौदल कर्मचारी अकरा मोटरसायकल व दोन सपोर्ट वाहनांसह या मोहिमेत सहभागी झाले आहेत. ही मोहिम कारवार ते नवी दिल्लीपर्यंत 6000 किलो मीटर अंतर पार करेल.
या मोटरसायकल मोटरसायकल राईडर्स नॅशनल डिफेन्स अकादमी, सातारा येथील सैनिक स्कूल, बालाचडी, कापुरथाला व कुंजपुरा व राष्ट्रीय मिलिटरी स्कूल, चैल येथील कॅडेटस व कर्मचाऱ्यांशीसंवाद साधतील. तसेच लोणावळा येथील नौदल विभाग, पोरबंदर व जामनगर येथील भारतीय लष्कर व इंडियन एअर फोर्सच्या आस्थापनाना भेटी देतील.सोमवारी नौदल जहाज दुरूस्ती यार्डचे रिअर अॅडमिरल डी. के. गोस्वामी यांनी आयएनएस विक्रमादित्य येथून या मोहिमेला बावटा दाखविला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
