अनेकांच्या घरी भात हा बनवलाच जातो. पण कधी भात जास्त झाल्यास भात फेकून देउ नका.कारण उरलेल्या भातापासून (Rice) चवदार आणि कुरकुरीत पकोडे तयार करू शकता. तुम्ही या पाकोड्यांचा आनंद संध्याकाळी चहासोबत (Tea) देखील घेऊ शकता.चला तर मग जाणून घेऊया झटपट तयार होणाऱ्या पकोड्याची रेसिपी (Rice Pakora Recipe )

राइस पकोडे बनवण्यासाठी लागणारे साहित्य
- एक वाटी शिजवलेला भात

- बेसन दोन वाट्या

- बारीक चिरलेला कांदा

-आले किसलेले

-अर्धा चमचा लाल मिरची पावडर

- हळद

- हिरवी मिरची - दोन

- हिंग

- धने पावडर

- अजवाइन

- जिरे पावडर

- बारीक चिरलेली कोथिंबीर

- तेल

- चवीनुसार मीठ

कृती
सर्वात पहिले उरलेला भात चांगला बारीक करून घ्यावा. यानंतर त्यात बेसन, बारीक चिरलेला कांदा, हिरवे धणे, लाल तिखट, किसलेले आले घालून सर्व चांगले मिक्स करून घ्या. आता त्यात जिरेपूड, धनेपूड, हिंग, आणि चवीनुसार मीठ घालून मिक्स करावे. हे मिश्रण दहा मिनिटे बाजूला ठेवा. नंतर एका कढईत तेल गरम करून पकोडे तळून घ्यावे. तुमचे चविष्ट कुरकुरीत राइस पकोडे तयार आहेत. संध्याकाळच्या गरम चहासोबत किंवा हिरव्या चटणीसोबत सर्व्ह करू शकता.