बोरी

बाळंगाळ, करसंगेच्या रानात काळा बिबटा फिरत असून या बिबट्याचा बंदोबस्त करावा अशी मागणी येथील रहिवासी दत्तप्रसाद प्रभुदेसाई आणि संजय देसाई यांनी केली आहे.
बाळंगाळ करसंगे येथील वनराईत गवे, रानडुक्कर आणि आता काळा बिबटाही हैदोस घालू लागला आहे. कोविड-19 च्या टाळेबंदीच्या काळात सर्वत्र वाहतूक बंद होती. तेव्हा शांत झालेल्या या भागात कोणीच फिरकत नसल्याने वन्यप्राणी येथील रस्त्यावरून मुक्तपणे फिरत होते. आतातर पावसाळा सुरुवात झाल्याने या वस्तीत हे वन्यप्राणी मुक्तपणे फिरताना दिसत आहेत. या वस्तीत फिरणाऱ्या या वन्यप्राण्यांमुळे आणि काळ्याबिबट्या मुळे नागरिकांना धोका संभवतो. या भरवस्तीत गव्या रेड्याचा कळप तसेच रानडुक्करांचा कळप फिरत असल्याचे दत्तप्रसाद प्रभुदेसाई आणि संजय देसाई यांनी पाहिले असून या वन्यप्राण्यांपासून नागरिकांना धोका पोचण्यापूर्वी वनखात्याने त्यांचा बंदोबस्त करावा अशी मागणी केली जात आहे.