बोरी

कामुर्ली - लोटली भागातील शेतकऱ्यांनी आपल्या शेतीची मशागत करून ठेवली असून हे शेतकरी आता पावसाच्या आणि मजुरांच्या प्रतीक्षेत आहेत.
कोविड-१९ टाळेबंदीमुळे या गावात राहणारे परराज्यातील मजूर आपापल्या गावी गेल्यामुळे शेतीची कामे करायला मजूर मिळत नाहीत. कामुर्ली लोटली गावातील झुआरी नदी लगतच्या खाजन शेतीत मशीनद्वारे तसेच खणणी करून नांगरणी करण्यात आली आहे. या खाजन शेतीत पाऊस पडल्यावर शेतीची कामे करता येत नाहीत. म्हणून मॉन्सून सुरू झाल्यावर लगेचच बी पेरणी केली जाते. येथील शेतकऱ्यांना एप्रिल, मे महिन्यात आपल्या शेतीची यंत्राद्वारे नांगरणी करून घेतली, परंतु आता मजूर मिळत नसल्याने बी पेरणे शक्‍य होत नाही. त्यामुळे शेतीत बी पेरण्याचे काम अडून राहिले आहे. आता मजुरांच्या प्रतीक्षेत शेतकरी आहेत.