Chess player Ethan Vaz : गोव्यातील बाल आश्चर्य मानला जाणारा बुद्धिबळपटू एथन व्हाझ याने हल्लीच हंगेरी येथील स्पर्धेत खेळताना इंटरनॅशनल मास्टर किताब मिळवून जगातील सर्वात लहान वयाचा इंटरनॅशनल मास्टर बनण्याचा मान मिळविला.

आज ही स्पर्धा संपवून तो गोव्यात पोहोचला त्यावेळीं त्याचे सहर्ष स्वागत करण्यात आले.

एथन व्हाझ हा राय येथील विद्यार्थी असून रायचे सामाजिक कार्यकर्ते आणि भाजप एसटी मोर्चाचे उपाध्यक्ष अँथनी बार्बोजा यांनी त्याचे स्वागत केले.

एथनने हा किताब जोडून राय गावचे नाव आंतर राष्ट्रीय स्तरावर पोहोचविले असे बार्बोजा यांनी यावेळी सांगितले. यावेळी त्यांच्या बरोबर एथनचे प्रशिक्षक प्रकाश विक्रम सिंग हेही उपस्थीत होते.