पणजी  :  कॉंग्रेसचे राज्य प्रभारी दिनेश गुंडूराव हे दोन दिवसांच्या दौऱ्यासाठी आज  सकाळी गोव्यात पोहोचले. कॉंग्रेसचे विधीमंडळ गट प्रमुख दिगंबर कामत, प्रदेशाध्यक्ष गिरीश चोडणकर  आदींनी त्यांचं स्वागत केलं. प्रदेशाध्यक्ष गिरीश चोडणकर यांनी राजीनामा दिल्यानंतर निर्माण झालेल्या पेचावर विचारविनिमय करण्यासाठी ते गोव्यात आले आहेत. दोन दिवसांत ते आमदार पदाधिकारी आणि युवा नेत्यांशी चर्चा करणार आहेत. जिल्हा पंचायत निवडणुकीत काँग्रेसला पराभव पत्करावा लागल्यानंतर चोडणकर यांनी राजीनामा दिला आहे. त्यांच्यावर ज्येष्ठ नेत्यांनी जाहीर टीका केली होती‌. युवा नेत्यांना मात्र पराभव ही सामूहिक जबाबदारी वाटते.