पणजी: येत्या २५ जानेवारीपासून होणाऱ्या गोवा विधानसभेच्या अधिवेशनात प्रत्यक्षातील कामकाज तिनच दिवस होणार आहे. शाळा सुरु पाहणारे सरकार विधानसभेचे अधिवेशन कधी बोलाविणार अशी विचारणा विरोधी पक्षांकडून केली जात होती.

सरकारच्या शिफारशीनुसार राज्यपाल भगतसिंग कोशयारी यांनी २५ जानेवारीपासून विधानसभेचे अधिवेशन बोलावले आहे. २५ रोजी राज्यपालांचे अभिभाषण होईल. प्रथेनुसार त्या दिवशी अन्य कामकाज नसेल. २६ रोजी प्रजासत्ताक दिनानिमित्त सार्वजनिक सुट्टी आहे. २७ व २८ रोजी कामकाज करता येईल. २९ रोजी शुक्रवार असल्याने त्यादिवशी खासगी कामकाजासाठी वेळ द्यावा लागणार आहे. त्यामुळे अधिवेशन आठवडाभराचे दिसत असले तरी प्रत्यक्षात कामकाजासाठी तिनच दिवस मिळणार आहेत.