Devgad Sindhudurg: कोकणात पर्यटनासाठी आलेले पाच विद्यार्थी सिंधुदूर्गातील देवगड समुद्रात बुडाले आहेत. यापैकी चार मुलींचा बुडून मृत्यू झाल्याचे स्पष्ट झाले असून, एक विद्यार्थी अद्याप बेपत्ता असल्याची माहिती समोर आली आहे.
पिंपरी चिंचवड येथील सैनिक अकॅडमीचे 35 जण सहलीसाठी देवगड येथे आले होते. समुद्रात आंघोळीसाठी गेले असता पाच विद्यार्थी बुडाले. दुपारी चारच्या सुमारास ही घटना घडली.
प्रेरणा डोंगरे, अंकिता गालटे, अनिशा पडवळ, पायल बनसोडे असे मृत मुलींची नावे आहेत, तर राम डिचोलकर असे बेपत्ता विद्यार्थ्याचे नाव आहे.
मिळालेल्या माहितीनुसार, पिंपरी चिंचवड येथील सैनिक अकॅडमीची 35 विद्यार्थी सहलीनिमित्त देवगड येथे आले होते. आंघोळीसाठी पाच जण समुद्रात उतरले, पण पाचही जण पाण्यात बुडाले. यापैकी चार मुलींचा मृत्यू झाल्याचे स्पष्ट झाले आहे. एक विद्यार्थी बेपत्ता आहे.
घटनेची माहिती मिळताच पोलीस निरीक्षक निळकंठ बगळे, तहसीलदार रमेश पवार नगराध्यक्ष साक्षी प्रभू घटनास्थळी दाखल झाले. बेपत्ता विद्यार्थ्याचा मृतदेह अद्याप सापडला नसून स्थानिकांच्या मदतीने त्याचा शोध घेतला जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.