भारतीय क्रिकेटपटू रविंद्र जडेजा सध्या दुखापतीमुळे भारतीय संघापासून दूर असला, तरी तो गुजरात विधानसभा निवडणुकीत चांगलाच सक्रिय दिसला. नुकताच त्याने त्याचा मतदानाचा अधिकारही बजावला आहे.
जडेजाची पत्नी रिवाबा जामनगर विधानसभा मतदारसंघातून भारतीय जनता पक्षाची उमेदवार म्हणून निवडणूक लढत आहे. त्यामुळे गेल्या काहीदिवसात जडेजाने तिचा मोठ्या प्रमाणात प्रचार केल्याचे दिसले होता.
आता त्याने जमनगरमध्ये आपल्या मतदानाचा अधिकार बजावला, तर त्याची पत्नी रिवाबाने राजकोटमध्ये मतदान केले.
विशेष गोष्ट अशी की जडेजाची बहीण नैना जडेजा क्राँग्रेस पक्षाची सदस्य आहे. तसेच त्याचे वडील देखील क्राँग्रेसला पाठिंबा देतात.
पण, जरी कुटुंबातील सदस्य वेगवेगळ्या पक्षांना पाठिंबा देत असले, तरी कुटुंबात कोणतेही मतभेद नाहीत, असे रिवाबाने यापूर्वी स्पष्ट केले होते.
तसेच नैनानेही स्पष्ट केले की असे असले तरी भावाबद्दलचे प्रेम बदलेले नाही आणि रिवाबा वहिनी म्हणून छान आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.