Goa Politics: सुरेंद्र फुर्तादो यांची पणजीतून विधानसभा निवडणूक लढवण्याची इच्छा

पणजी: पणजीचे (Panjim) माजी महापौर (Ex Mayor) सुरेंद्र फुर्तादो यांनी विधानसभेची येती निवडणूक (Assembly Election) पणजी मतदार संघातून लढवण्याची इच्छा व्यक्त केली आहे. सध्या ते काँग्रेस पक्षात आहेत. पणजीचे आमदार बाबूश मोन्सेरात हे काँग्रेसमध्ये असताना त्यांनी फुर्तादो यांना महापौर बनण्याची संधी दिली होती. (surendra furtado wants to contest Assembly elections from Panaji)

महापालिकेच्या मागच्या निवडणुकीत फुर्तादो यांनी मोन्सेरात गटापासून फारकत घेतली होती व इतर पक्षांच्या कार्यकर्त्यांच्या समवेत एक आघाडी करून महापालिकेची निवडणूक लढवली होती. या निवडणुकीत सुरेंद्र फुर्तादो व त्यांच्या पत्नी रूथ फुर्तादो या विजयी झाल्या आहेत. काँग्रेस पक्षाने पणजी मतदारसंघातून मोन्सेरात यांना तुल्यबळ अशा उमेदवाराचा शोध सुरू केला असतानाच फुर्तादो यांनी आपण निवडणूक लढवण्यास इच्छुक असल्याचे जाहीर केले आहे.

Goa Politics: भाजप आणि कॉंग्रेस कार्यकर्त्यांचा आम आदमी पक्षात प्रवेश

पणजी मतदारसंघात काँग्रेसची पारंपारिक अशी साडेपाच हजार मते आहेत. त्या मतांना फुर्तादो यांच्या मित्रमंडळींची साथ मिळाली तर फुर्तादो यांचा विधानसभेपर्यंतचा मार्ग सुकर होऊ शकतो.