रुमडामळ पंचायतक्षेत्रात उघड्यावर वाहणाऱ्या सांडपाण्याची समस्या

मडगाव: मडगाव (Margao) जवळच्या रुमडामळ पंचायतक्षेत्रात बहुमजली इमारतींतून उघड्यावर वाहणाऱ्या सांडपाण्यामुळे (Sewage) परिसरातील रहिवाशांना आरोग्याची समस्या निर्माण झाली आहे. स्थानिक पंचायत, पोलिस चौकी तसेच आरोग्य अधिकाऱ्यांकडे यासंदर्भात तक्रार करून कारवाईची मागणी केली आहे.

सदर प्रकार स्थानिक पंचायत कार्यालयाजवळ गेल्या अनेक दिवसांपासून सुरू आहे. ‘ईडब्ल्यूएस’ घराच्या (House) जागी सदर बहुमजली इमारत बांधून त्यांत अनेक सदनिका तयार केल्या आहेत व त्या भाड्याने दिल्या आहेत. त्यातून ही समस्या निर्माण झालेली आहे. सदर इमारतीस मलनिस्सारण जोडणी नसल्याने सांडपाण्यासाठी पुरेशी जागा राहिलेली नाही. ते रस्त्याच्या (Road) कडेला साचलेले आहे व त्यातून दुर्गंधी पसरली आहे, असे तेथील रहिवाशांनी आपल्या तक्रारीत म्हटले आहे.