गोवा विधानसभा निवडणुकीसाठी आम आदमी पक्षाने जोरदार तयारी केली आहे. पंजाबमधील मुख्यमंत्रीपदाच्या उमेदवाराच्या नावाची घोषणा केल्यानंतर, आपचे राष्ट्रीय संयोजक अरविंद केजरीवाल (Arvind Kejriwal) बुधवारी गोव्यात पक्षाकडून मुख्यमंत्रिपदाच्या उमेदवाराच्या नावाची घोषणा करतील.
'आप'ने 10 जागांसाठी उमेदवारांची नावे जाहीर केली
विशेष म्हणजे या महिन्याच्या 8 तारखेला आप पक्षाने गोवा विधानसभा निवडणुकीसाठी उमेदवारांची पहिली यादी जाहीर केली होती. भाजपचे माजी मंत्री महादेव नाईक, अलिना सालडांगा आणि अमित पालेकर (Amit Palekar) यांच्यासह 10 उमेदवारांची नावे होती.
या यादीनुसार, पालेकर सेंट क्रुझ, भाजपचे विश्वजित कृष्णराव राणे पोरियाम, भाजपचे माजी मंत्री नाईक शिरोडा, सत्यविजय नाईक वलपोई, महाराष्ट्रवादी गोमंतक पक्षाचे प्रेमानंद नानोस्कर दाबोळी, भाजपचे माजी मंत्री सालदान्हा कांदोळी जागेवरुन नशीब आजमावणार आहेत. गोवा प्रदेश महिला काँग्रेसच्या माजी अध्यक्षा प्रतिमा नावेली, विंजे विगेस बाणावली, अभिजित देसाई सेंग्युम आणि डॉमिनिक गोनकर कांदोळीमधून निवडणूक लढवणार आहेत.
दरम्यान, आम आदमी पार्टीचे (Aam Aadmi Party) प्रमुख अरविंद केजरीवाल यांनी गोवा विधानसभा निवडणूक जिंकण्यासाठी मोफत वीज आणि पाणी देण्यासोबतच 13 कलमी अजेंडा तयार केला आहे. या अजेंड्यात राज्यातील शिक्षण, आरोग्य, उद्योग आणि व्यापार, रोजगार, खाणकाम आणि पायाभूत सुविधांचा विकास यांचा समावेश आहे. तसेच आपल्या निवडणूक कार्यक्रमात, AAP ने राज्यातील लोकांना दरमहा 3000 रुपये बेरोजगार भत्ता देण्याचे आश्वासन दिले आहे. याशिवाय जमिनीचे हक्क देण्याचे आश्वासनही पक्षाने दिले आहेत
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.