मनोज तिवारीचा देशांतर्गत क्रिकेटला बाय-बाय

विजयी निरोप

क्रिकेटपटू मनोज तिवारीने नुकताच प्रथम श्रेणी क्रिकेटला अलविदा केला. ईडन गार्डन्स स्टेडियमवर रणजी ट्रॉफी सामन्यात बंगालने बिहारवर शानदार विजय मिळवत मनोजच्या 20 वर्षांच्या कारकिर्दीला निरोप दिला.

आंतरराष्ट्रीय निवृत्ती

38 वर्षीय मनोजने गेल्या वर्षी ऑगस्टमध्ये सर्व प्रकारच्या क्रिकेटमधून निवृत्तीची घोषणा केली होती, परंतु बंगाल क्रिकेट असोसिएशनच्या विनंतीवरून तो रणजीचा चालू हंगाम खेळण्यास तयार झाला होता.

शर्यतीतून बाहेर

रणजीच्या चालू हंगामात बंगाल संघ मनोजच्या नेतृत्त्वाखाली खेळला. मात्र ते आता विजेतेपदाच्या शर्यतीतून बाहेर पडले आहेत.

क्रीडामंत्री

मनोज सध्या बंगाल राज्याचा क्रीडा राज्यमंत्री आहे. त्याने 2004 मध्ये ईडनमधून प्रथम श्रेणी क्रिकेटला सुरुवात केली होती.

कामगिरी

मनोजच्या नावावर प्रथम श्रेणी क्रिकेटमध्ये 30 शतके आणि 45 अर्धशतके आहेत. त्याने 148 सामन्यात 10,195 धावा केल्या आहेत.

आंतरराष्ट्रीय कारकिर्द

मनोजने 12 एकदिवसीय आंतरराष्ट्रीय सामने देखील खेळले आहेत ज्यात एक शतक आणि एक अर्धशतक आहे. याशिवाय त्याने तीन टी-२० आंतरराष्ट्रीय सामनेही खेळले आहेत.

खदखद

देशांतर्गत क्रिकेटमधून निवृत्ती घेतल्यानंतर मनोजन टीम इंडियाचा माजी कर्णधार धोनीला अनेक प्रश्न करत संघातून डावलल्याची खदखद व्यक्त केली.

जेव्हा मॅक्युलमने ऑस्ट्रेलियाला दिलेला 'बझबॉल'चा दणका