Pranali Kodre
न्यूझीलंडचा माजी क्रिकेटपटू आणि सध्याचा इंग्लंडचा कसोटी प्रशिक्षक ब्रेंडन मॅक्युलमच्या नावावर एक विश्वविक्रम आहे, जो त्याने त्याच्या निवृत्तीच्या कसोटी सामन्यात केला होता.
मॅक्युलमने 20 ते 24 फेब्रुवारी 2016 दरम्यान ख्राईस्टचर्चमध्ये ऑस्ट्रेलियाविरुद्ध न्यूझीलंडकडून अखेरचा कसोटी सामना खेळला होता.
मॅक्युलम अवघ्या 54 चेंडूत त्याचे शतक पूर्ण केले होते. त्यामुळे तो कसोटीत सर्वात कमी चेंडूत शतक करणारा खेळाडू ठरला होता.
मॅक्युलमने न्यूझीलंडकडून पहिल्या डावात 79 चेंडूत 145 धावांची खेळी केली होती. या खेळीत त्याने 21 चौकार आणि 6 षटकार मारले होते.
त्यावेळी मॅक्युलमने वेस्ट इंडिजचे दिग्गज क्रिकेटपटू विव रिचर्ड्स आणि मिस्बाह उल हक यांचा विक्रम मोडला होता. विव रिचर्ड्स यांनी 1986 साली इंग्लंडविरुद्ध, तर मिस्बाहने ऑस्ट्रेलियाविरुद्ध 2014 मध्ये कसोटीत 56 चेंडूत शतक केल होते.
विशेष म्हणजे मॅक्युलमने केलेल्या या जलद शतकावेळी त्याचा 39 धावांवर ऑस्ट्रेलियाने झेल घेतला होता, परंतु, तो चेंडू नो-बॉल असल्याने त्याला जीवदान मिळाले होते.
मात्र, ऑस्ट्रेलियाने नंतर शानदार पुनरागमन करत न्यूझीलंडविरुद्धच्या हा सामना 7 विकेट्सने जिंकला होता.