Beautiful Islands In India: पर्यटनप्रेमींनो, भारतातील 'ही' 4 अप्रतिम बेटे तुमचं मन मोहून टाकतील

निसर्ग

भारत हे केवळ विविधतेने नटलेले देश नाही. हिमालयापासून समुद्रकिनाऱ्यांपर्यंत, वाळवंटी प्रदेशांपासून हिरव्यागार जंगलांपर्यंत, भारतात निसर्गाचे सर्व रंग पाहायला मिळतात.

भारतात अनेक सुंदर आणि ऐतिहासिक बेटेही आहेत. चला तर पाहूया भारतातील अशीच 4 अप्रतिम आणि ऐतिहासिक बेटे, जी प्रत्येक पर्यटनप्रेमीने एकदा तरी भेट द्यायलाच हवीत.

अंदमान आणि निकोबार

बंगालच्या उपसागरात वसलेली ही बेटे निसर्गसौंदर्य, स्वच्छ समुद्रकिनारे आणि जलक्रीडांसाठी प्रसिद्ध आहेत. सेल्युलर जेल येथे ऐतिहासिक वारसा देखील आहे.

लक्षद्वीप

अरबी समुद्रात वसलेली ही बेटे शांतता आणि सागरातील प्रवाळ भिंतींसाठी प्रसिद्ध आहेत. हे बेट पर्यटनासाठी आणि स्कूबा डायविंगसाठी आदर्श ठिकाण आहे.

दीव

गुजरातच्या किनाऱ्यावर वसलेले हे बेट त्याच्या शांत समुद्रकिनाऱ्यांमुळे आणि पोर्तुगीज वास्तुकलेमुळे पर्यटकांना आकर्षित करते.

माजुली 

आसाम राज्यात ब्रह्मपुत्रा नदीमध्ये वसलेले हे जगातील सर्वात मोठं नदीवरील बेट आहे. येथील सात्रा संस्कृती, निसर्ग आणि पारंपरिक जीवनशैली प्रसिद्ध आहे.