Sameer Amunekar
गोव्याचा विचार करताच डोळ्यासमोर समुद्रकिनारे, पार्टी लाइफ आणि पर्यटकांची गर्दी उभी राहते. पण गोव्याच्या सीमेपासून फक्त काही तासांवर एक शांत, निसर्गरम्य ठिकाण आहे.
गोव्याहून फक्त काही तासांच्या अंतरावर सिंधुदुर्ग जिल्ह्यात वसलेलं आंबोली हे हिल स्टेशन पर्यटकांसाठी एक परफेक्ट वीकेंड डेस्टिनेशन ठरत आहे.
सह्याद्रीच्या रांगेत वसलेले आंबोली हे ठिकाण समुद्रसपाटीपासून सुमारे ७०० मीटर उंचीवर आहे. इथलं थंड हवामान, दाट जंगलं, धबधबे आणि पक्ष्यांचे मंजूळ आवाज मनाला वेगळाच शहारा देतात.
विशेषतः पावसाळ्यात आणि हिवाळ्यात आंबोलीचं सौंदर्य अधिक खुलून येतं.
गोव्याच्या पेडणे किंवा म्हापसा भागातून आंबोलीला पोहोचायला फक्त २ ते ३ तास लागतात. गाडीने प्रवास करताना सुंदर घाटवाटा, हिरव्यागार जंगलं आणि मधून मधून येणारे धबधबे ही एक वेगळीच अनुभूती देतात.
आंबोली घाटातल्या वळणवळणाच्या रस्त्यांवरून प्रवास करताना दोन्ही बाजूंना पसरलेली धुक्याची चादर अनुभवायला मिळते.