Sameer Amunekar
हिवाळ्यात त्वचा कोरडी आणि निस्तेज दिसू लागते. बाजारातील क्रीम्स काही काळच उपयोगी पडतात, पण घरगुती मॉइश्चरायझर त्वचेला आतून पोषण देतात.
नारळाचे तेल त्वचेसाठी सर्वोत्तम नैसर्गिक मॉइश्चरायझर आहे. रात्री झोपण्यापूर्वी चेहरा आणि हातपायांवर हलक्या हाताने मालिश करा. हे त्वचेला हायड्रेट ठेवते आणि कोरडेपणा दूर करते.
अ‍ॅलोवेरा त्वचेला थंडावा देतो आणि आर्द्रता टिकवतो. ताज्या अ‍ॅलोवेरा पानातून जेल काढा आणि चेहऱ्यावर लावा. हे हलके असून चिकटपणा येत नाही.
एक चमचा मध आणि दोन चमचे दुध एकत्र करून चेहऱ्यावर लावा. 10 मिनिटांनी कोमट पाण्याने धुवा. त्वचा मऊ, गुळगुळीत आणि चमकदार बनेल.
शिया बटरमध्ये नैसर्गिक फॅटी अ‍ॅसिड्स आणि व्हिटॅमिन ई असते. हे विशेषतः अतिशय कोरड्या त्वचेसाठी उपयुक्त आहे. रोज थोडेसे शिया बटर हातपायांवर लावा.
ऑलिव्ह ऑइलमध्ये अँटिऑक्सिडंट्स मुबलक प्रमाणात असतात. स्नानानंतर ओल्या त्वचेवर काही थेंब लावल्यास ते त्वचेतील ओलावा लॉक करते आणि कोमलपणा टिकवतो.
ग्लिसरीन आणि गुलाबपाणी समान प्रमाणात मिसळा आणि बाटलीत साठवा. रोज रात्री झोपण्यापूर्वी चेहऱ्यावर व हातपायांवर लावा. हे त्वचेला दीर्घकाळ मऊ ठेवते.