Manish Jadhav
ई-विटारा’ ही मारुती सुझुकी कंपनीची पहिली इलेक्ट्रिक एसयूव्ही आहे, ज्याची निर्यात सुरु झाली आहे.
ही इलेक्ट्रिक कार जपान आणि युरोपसह जगभरातील जवळपास 100 देशांमध्ये निर्यात केली जाणार आहे.
ही शानदार कार आधी परदेशी बाजारात लॉन्च केली जाईल. त्यानंतर चालू आर्थिक वर्षाच्या अखेरीस म्हणजेच मार्च 2026 पूर्वी ती भारतात लॉन्च होईल.
मारुती ई-विटाराचे उत्पादन सुझुकीच्या गुजरात येथील अत्याधुनिक कारखान्यात केले जाईल.
अधिकृत किंमत अजून जाहीर झाली नसली तरी भारतात या धमाकेदार कारची अंदाजित किंमत 20 लाख रुपयांपासून सुरु होऊ शकते.
भारतात लॉन्च झाल्यावर ई-विटाराची थेट स्पर्धा हुंडई क्रेटा इलेक्ट्रिक, एमजी झेडएस ईव्ही, टाटा कर्व ईव्ही आणि महिंद्रा बीई-6 यांसारख्या एसयूव्हीशी असेल.
या कारमध्ये दोन बॅटरीचे पर्याय मिळतील. एक 49 kWh आणि दोन 61 kWh. मोठी बॅटरी पूर्ण चार्ज झाल्यावर 500 किमीपेक्षा जास्त रेंज देऊ शकते.
ई-विटारा ‘हार्टेक्ट-ई’ (Heartect-e) प्लॅटफॉर्मवर बनली आहे. यात ड्युअल मोटर AWD (ऑल-व्हील ड्राइव्ह) सिस्टीम मिळेल.