Akshata Chhatre
सध्या राज्यात गरमीचं प्रमाण बरंच वाढलं आहे. हा त्रास कमी करण्यासाठी आपण ताक किंवा दही पितो/ खातो.पण तुम्हाला माहितीये का दह्यासोबत काही पदार्थ खाल्याने शरीराला आणखीन फायदा मिळू शकतो.
खरं तर दह्यात फॅट्स, कार्ब्स, कॅल्शियम आणि अँटी ऑक्सिडंट्स असतात. यामध्ये काही वेगळे पदार्थ मिसून खाल्यास फायदा होऊ शकतो. हे पदार्थ कोणते जाणून घेऊया..
दह्यात तूप मिसळून खाल्यास इम्युनिटी वाढायला मदत मिळते. तुम्हाला गॅसचा त्रास होत असल्यास हा उपाय नक्की करून पाहू शकता.
दह्यासोबत खडीसाखर खा. यामुळे शरीराला कायम एनर्जेटिक राहायला मदत मिळते. अनेकवेळा गरमीमुळे आपल्याला थकवा जाणवू शकतो.
कामाचा किंवा आणखीन कशाचा भरपूर ताण येत असेल तर हा उपाय करून पाहावा. असं म्हणतात की यामुळे ताण कमी होतो.
दह्यात आवळा पावडर मिक्स करत जा. गरमीच्या दिवसांत पचन शक्ती मंदावलेली असते, आणि आवळा आणि दही खाल्याने मदत मिळते.
तुम्हाला सुद्धा गरमीचा भरपूर त्रास होत असेल तर नक्कीच हे उपाय करून बघू शकता.