Pramod Yadav
दक्षिण गोव्यातील दाबोळी विमानतळावरील कामकाज येत्या 20 जूनपासून मोपावर वळविण्याची घोषणा कतार एअरवेजने केली आहे.
गॅटविक, ओमाननंतर आता कतार एअरवेजने दाबोळी ऐवजी मोपाच्या दिशेने मोर्चा वळविल्याने विरोधक आक्रमक झाले आहेत.
या घडमोडींमुळे दाबोळी विमानतळ बंद होण्याची भीती विरोधकांकडून व्यक्त केली जात आहे.
येत्या तीन वर्षात दाबोळीवरील वापरकर्ता विकास शुल्कात 540 टक्क्यांनी वाढ होईल, असे आमदार सरदेसाई म्हणाले.
2027-28 पर्यंत दाबोळीवरील शुल्क 1,791 असेल तर मोपावरील 840 असेल आणि ही मोठी तफावत असल्याचे ते म्हणाले.
मोपावर हवाई वाहतूक वळविण्यासाठी जीएमआर कंपनी केंद्रीय स्तरावर दबावतंत्राचा वापर करत असल्याचा आरोप मंत्री माविन गुदिन्हो यांनी केला.
तर, पंतप्रधान मोदी दोहा दौऱ्यावरुन आल्यानंतर माविन यांनी जीएमआर कंपनीवर आरोप केल्याने अमित पाटकर यांनी याचे धागेदोरे जोडले.
दरम्यान, कतार एअरवेजच्या निर्णयामुळे फ्लाईटची संख्या कमी होईल पण दाबोळी बंद होणार नाही असे दाबोळीचे संचालक डी. राव म्हणाले.
विमानसंख्या कमी झाल्याने दाबोळी घोस्ट विमानतळ होईल अशी भीती विरोधक व्यक्त करत असून, सरकार विमानतळ कदापी बंद होणार नाही असा दावा करत आहे.