Manish Jadhav
आजच्या काळात मोबाईल फोन आपल्या आयुष्याचा अविभाज्य भाग बनला आहे. पण तुम्ही झोपताना मोबाईल शेजारी ठेवत असाल तर थांबा आणि हे वाचा. यामुळे तुमच्या आरोग्यावर अनेक वाईट परिणाम होऊ शकतात.
मोबाईल फोनमधून हानिकारक इलेक्ट्रोमॅग्नेटिक रेडिएशन बाहेर पडते. रात्री झोपताना फोन शेजारी ठेवल्याने या रेडिएशनचा तुमच्या मेंदू आणि शरीरावर दीर्घकाळ परिणाम होऊ शकतो.
मोबाईलमधून निघणारा निळा प्रकाश तुमच्या झोपेचे चक्र बिघडवतो. त्यामुळे झोप व्यवस्थित लागत नाही, ज्यामुळे तुम्हाला रात्री शांत झोप मिळत नाही.
अपुऱ्या झोपेमुळे तुमच्या मानसिक आरोग्यावरही परिणाम होतो. यामुळे तणाव, चिडचिड आणि कामात लक्ष न लागणे अशा समस्या निर्माण होऊ शकतात.
झोपताना मोबाईल चार्जिंगला लावला असेल तर तो खूप गरम होऊ शकतो. यामुळे बॅटरी जास्त तापून स्फोट होण्याचा धोका असतो, ज्यामुळे मोठी दुर्घटना होऊ शकते.
रात्री येणारे नोटिफिकेशन्स किंवा मेसेजेसचे आवाज तुमची झोपमोड करतात. यामुळे तुम्ही गाढ झोपेतून जागे होतात आणि झोपेचा क्रम तुटतो.
रात्री झोपण्यापूर्वी अंधारात मोबाईल वापरल्याने डोळ्यांवर खूप ताण येतो. यामुळे डोळे दुखणे आणि दृष्टी कमकुवत होणे अशा समस्या येऊ शकतात.
मोबाईल शेजारी ठेवल्याने रात्री उशिरापर्यंत फोन वापरण्याची सवय लागते. ही सवय नंतर एक व्यसन बनते, ज्यामुळे झोपेवर गंभीर परिणाम होतो.