Pramod Yadav
गोव्यात दरवर्षी सांजाव हा हटके उत्सव साजरा केला जातो, प्रामुख्याने कॅथलिक समाजाद्वारे साजरा केला जाणारा या उत्सवात सर्वधर्मीय लोक सहभागी होतात.
गोवा सरकारच्या वतीने यावर्षी जुने गोवे येथे सरकारी साजांवचे आयोजन केले होते.
ओल्ड गोवा येथील या उत्सवात राज्यातील स्थानिक कलाकरांनी संगीत कार्यक्रमात गीत सादर केली.
या उत्सवात प्रामुख्याने स्थानिक कलाकारांना अधिक वाव देण्यात आला होता.
महोत्सवाच्या ठिकाणी गोवन पद्धतीचे खाद्यपदार्थ आणि इतर वस्तूंच्या विक्रीचे स्टॉल लावण्यात आले होते.
सरकारी कार्यक्रम असल्याने अनेकांनी याकडे पाठ फिरवल्याचे देखील दिसून आले.
दुपारी बाराच्या सुमारास सुरु होणाऱ्या या उत्सवाला अल्प प्रतिसाद असल्याने थोडं उशीराने याला सुरुवात झाली.
दरवर्षी शिवोलीत मोठ्या उत्साहात सांजाव साजरा केला जातो यावर्षी देखील मोठ्या प्रमाणावर स्थानिक आणि पर्यटकांनी येथे हजेरी लावली होती.