Pranali Kodre
भारताचा क्रिकेटपटू विराट कोहली आणि सार्बियाचा स्टार टेनिसपटू जगातील लोकप्रिय खेळाडूंपैकी एक आहेत.
दरम्यान, हे दोघेही वेगवेगळा खेळ खेळत असले, तरी त्यांच्यात चांगली मैत्री झाली आहे. विशेष म्हणजे अद्याप ते एकमेकांना भेटलेही नाहीत.
त्यांच्या मैत्रीबद्दल त्या दोघांनीच खुलासा केला आहे. तसेच त्या दोघांनीही सांगितले की ते एकमेकंनी मिळवलेल्या यशाबद्दल एकमेकांचे कौतुक करतात आणि आदरही करतात.
सोनी स्पोर्ट्सशी बोलताना जोकोविचने सांगितले होते की, 'विराट कोहली आणि मी गेल्या काही वर्षांपासून एकमेकांना मेसेज करतो. आम्हाला एकमेकांना अजून प्रत्यक्ष भेटण्याची संधी मिळालेली नाही.'
यानंतर विराटने त्यांच्यात मैत्री कशी झाली याबद्दल बीसीसीआयशी बोलताना खुलासा केला. त्याने सांगितले की 'मी एकदा इंस्टाग्रामवर त्याचे प्रोफाईल पाहात होतो आणि मी सहज मेसेजचं बटण दाबलं, मला वाटतं मी हॅलो वैगरे म्हटलो असेल. नंतर माझ्या डीएमवर त्याचा मेसेज आला होता.'
तसेच विराटने असेही सांगितले की पहिल्यांदा जोकोविचचा मेसेज बघून त्याला ते खोटं अकाऊंट वैगरे असेल, असे वाटले होते, मात्र खरोखरंच जोकोविचने मेसेज केला होता. त्यानंतरच ते एकमेकांशी बोलायला लागले. तसेच आता बऱ्याचदा ते एकमेकांना मेसेज करतात.
त्याचबरोबर विराट असेही म्हणाला की 'आशा आहे जोकोविच लवकर भारतात येईल किंवा मी तो ज्या देशात खेळत असेल, तिथे जाईल. आम्ही नक्कीच भेटू आणि कदाचीत एखादा कप कॉफी वैगरे घेऊ.'