Manish Jadhav
आयपीएल 2025 मधील शेवटच्या लीग स्टेज सामन्यात रॉयल चॅलेंजर्स बंगळुरु (RCB) ने त्यांच्या घरच्या मैदानावर लखनौ सुपर जायंट्स (LSG) ला सहा विकेट्सने पराभूत केले.
स्टार फलंदाज विराट कोहलीने संघाच्या या विजयात महत्त्वाची भूमिका बजावली, त्याने पुन्हा एकदा शानदार कामगिरी करत 54 धावांची तूफानी खेळी खेळली. या खेळीच्या जोरावर विराटने या हंगामात 600 धावांचा टप्पाही गाठला.
विराटने पाचव्यांदा हा पराक्रम केला. या हंगामात त्याने आतापर्यंत 13 सामन्यांमध्ये 602 धावा केल्या, ज्यामध्ये आठ अर्धशतकांचा समावेश आहे.
लखनौविरुद्धच्या त्याच्या शानदार खेळीदरम्यान विराटने आरसीबीसाठी 9000 धावाही पूर्ण केल्या. असा पराक्रम करणारा तो पहिला खेळाडू ठरला.
आयपीएल 2025 हा विराट कोहलीचा सलग तिसरा हंगाम असेल, ज्यामध्ये त्याने 600 किंवा त्याहून अधिक धावा केल्या आहेत.
विराटबरोबर ख्रिस गेल आणि केएल राहुल यांनीही सलग तीन हंगामात 600+धावा करण्याची कामगिरी केली आहे. कोहलीप्रमाणेच गेलनेही आरसीबीसाठी हा विक्रम केला आहे.