गोमन्तक डिजिटल टीम
विविधतेने नटलेल्या गोव्यात पर्यटनासाठी असंख्य पर्याय उपलब्ध आहेत. अशाच एका मोहक ठिकाणाशी आज ओळख करून घेऊयात.
गोव्याच्या गजबजलेल्या भागापासून दूर हे बेट तुम्हाला विलक्षण शांतता मिळवून देते.
इथे लोकांची फार गर्दी होत नसल्याने व्हँक्सिम बेट आपली नैसर्गिक सुंदरता टिकवून आहे.
अत्यंत मर्यदित लोकसंख्या असल्यामुळे पर्यटक इथे पायी भटकणे अथवा सायकलने फिरण्याचा आनंद घेतात.
मांडवीच्या प्रवाहातील सहा प्रमुख बेटांमधील हे सगळ्यात लहान बेट मानले जाते.
1879 मध्ये बांधलेले चर्च ऑफ सँटो क्रिस्टो म्हणून ओळखले जाणारे चर्च देखील या भागात तुम्हाला पाहता येते.
चमत्कारिक क्रॉसचे चॅपल
व्हँक्सिममधील एक महत्त्वाची खूण म्हणजे क्रॉसचे चॅपल. राज्यभरातून बरेच लोक येथे नवस करण्यासाठी किंवा पूर्ण करण्यासाठी येतात.
हे ठिकाण व्हँक्सिम बेटाची ओळख आहे. गावकऱ्यांनी हा क्रॉस डॉक्टर लुई कॅब्रालच्या स्मरणार्थ बांधलेला आहे.