Manish Jadhav
TVS खूप लवकरच भारतीय बाजारात एक नवीन आणि स्वस्त इलेक्ट्रिक स्कूटर लाँच करत आहे. कंपनीने काही दिवसांपूर्वी 'ऑर्बिटर' या नावाने ट्रेडमार्क नोंदणी केली.
TVS ऑर्बिटर ही इलेक्ट्रिक स्कूटर भारतात 28 ऑगस्ट रोजी लाँच होणार आहे. हे मॉडेल TVS च्या इलेक्ट्रिक स्कूटर पोर्टफोलिओमधील नवीन एंट्री-लेव्हल मॉडेल ठरेल.
लाँच झाल्यावर ही इलेक्ट्रिक स्कूटर TVS च्या यशस्वी iQube इलेक्ट्रिक स्कूटरच्या श्रेणीत येईल. TVS iQube ची किंमत सुमारे 1 लाख रुपयांपासून सुरु होते.
आगामी TVS ऑर्बिटरची किंमत TVS iQube पेक्षा कमी असेल. त्यामुळे ही स्कूटर 1 लाख रुपयांपेक्षा कमी किमतीत उपलब्ध होण्याची शक्यता आहे.
भारतीय बाजारात लाँच झाल्यावर TVS ऑर्बिटर थेट बजाज चेतक आणि ओला S1 X सारख्या लोकप्रिय इलेक्ट्रिक स्कूटरसोबत स्पर्धा करेल.
या नव्या इलेक्ट्रिक स्कूटरची लाँचिंग गणेशोत्सव आणि दिवाळीसारख्या सणांच्या तोंडावर होत आहे, ज्यामुळे कंपनीला विक्रीत मोठी वाढ होण्याची अपेक्षा आहे.
इंडोनेशियामध्ये दाखल केलेल्या पेटंटनुसार या स्कूटरला स्लीक स्टायलिंग, मोठे व्हील्स आणि स्विंगआर्म-माउंटेड मोटर मिळेल. यात एलईडी हेडलाइट्स आणि फ्रंट डिस्क ब्रेक सारखी फीचर्स आहेत.
जरी या स्कूटरची डिझाइन समोर आली असली तरी TVS कंपनीने या संदर्भात कोणतीही अधिकृत घोषणा केलेली नाही. मात्र, हे पेटंट ऑर्बिटर मॉडेलचेच असण्याची शक्यता आहे.