Pranali Kodre
विराट कोहली भारतातीलच नाही, तर जगभरातील लोकप्रिय क्रिकेटपटूंपैकी एक आहे.
त्यामुळे विराटने सोशल मीडियावर कोणतीही पोस्ट केली की त्याची बऱ्याचदा चर्चा होताना दिसते.
नुकतेच विराटने इंस्टाग्राम स्टोरीला एक फोटो शेअर केला होता, या फोटोने मात्र अनेक चाहते बुचकाळ्यात पडले.
कारण विराटने शेअर केलेल्या फोटोमध्ये तो जखमी झाल्याचे दिसत असून त्याच्या नाकावर मलमपट्टी बांधलेली आहे, तसेच चेहऱ्यावर जखमांच्या खुणा आहेत.
दरम्यान, खरेतर चाहत्यांना घाबरण्याचे कारण नाही, कारण विराट पूर्ण तंदुरुस्त असून त्याला काहीही झाले नाही.
विराटने शेअर केलेला तो फोटो एका कंपनीच्या जाहीरातीच्या शुटदरम्यानचा आहे.
त्याच्या चेहऱ्यावर दिसणाऱ्या जखमांच्या खुणा जाहीरातीच्या शुटच्या मेकअपचा एक भाग आहे.
विराटचा हा फोटो केवळ प्रसिद्धीसाठी आहे.