Manish Jadhav
ट्रायम्फ (Triumph) कंपनी पुन्हा एकदा भारतातील रेट्रो बाईक (Retro Bike) सेगमेंटमध्ये धुमाकूळ घालण्यासाठी सज्ज झाली आहे. त्यांची नवी कॅफे रेसर बाईक 'थ्रक्सटन 400' नावाने लॉन्च होण्याची शक्यता आहे.
ही नवी मोटरसायकल 6 ऑगस्ट रोजी अधिकृतपणे लॉन्च केली जाऊ शकते. स्पीड 400 आणि स्क्रॅम्बलर 400एक्स नंतर ही बजाजच्या मदतीने ट्रायम्फचे तिसरे प्रोडक्ट असेल.
थ्रक्सटन 400 ला टेस्टिंगदरम्यान अनेकदा पाहिले गेले आहे. ही बाईक कॅफे रेफरची स्टाइलिंग पुढे नेते आणि आता बंद झालेल्या थ्रक्सटन 1200च्या (Thruxton 1200) डिझाइनची आठवण करुन देते.
ट्रायम्फने अजून तरी इंजिनबद्दल अधिकृत माहिती दिलेली नाही. पण, थ्रक्सटन 400 मध्ये स्पीड 400 आणि स्क्रॅम्बलर 400एक्स मधीलच 398 सीसी, लिक्विड-कूल्ड, सिंगल-सिलिंडर इंजिन असेल अशी अपेक्षा आहे.
थ्रक्सटन 400च्या स्पोर्टी लूकला साजेसे असे गियरिंग (Gearing) किंवा इंजिन ट्यूनिंगमध्ये (Engine Tuning) थोडे बदल केले जाण्याची शक्यता आहे, जे तिला अधिक आकर्षक आणि वेगवान बनवेल.
बाईकमध्ये पुढील बाजूस अपसाइड-डाउन फोर्क्स, मागे मोनो-शॉक आणि दोन्ही बाजूंना ड्युअल-चॅनल एबीएससह डिस्क ब्रेक असतील.
बाईकमध्ये सेमी-डिजिटल इन्स्ट्रुमेंट क्लस्टर दिले जाईल, जे राइडिंगचा अनुभव अधिक चांगला करेल आणि राइडरला आवश्यक माहिती सहजपणे उपलब्ध करेल.
थ्रक्सटन 400 ची एक्स-शोरुम किंमत सुमारे 2.70 लाख रुपये असू शकते.