Manish Jadhav
ऑस्ट्रेलिया आणि इंग्लंड यांच्यात पर्थ येथे सुरु असलेल्या ॲशेस मालिकेतील पहिल्या कसोटी सामन्याचा दुसरा दिवस फलंदाज ट्रॅव्हिस हेड याने गाजवला.
हेडने दुसऱ्या डावात फलंदाजी करताना अवघ्या 69 चेंडूंमध्ये आपले शतक पूर्ण केले. हेडच्या या आक्रमक खेळीमुळे ऑस्ट्रेलियाने 205 धावांचे लक्ष्य गाठणे सोपे झाले.
हेडचे हे शतक ॲशेसच्या इतिहासातील दुसरे सर्वात वेगवान शतक ठरले आहे. त्याने 1902 मध्ये 76 चेंडूंमध्ये शतक करणाऱ्या गिलबर्ट जेसॉपचा विक्रम मोडला.
ॲशेसमध्ये सर्वात कमी चेंडूंमध्ये शतक करण्याचा विक्रम अजूनही ॲडम गिलख्रिस्ट याच्या नावावर आहे. त्याने 2006-07 मध्ये पर्थमध्ये 57 चेंडूंमध्ये शतक केले होते.
ट्रॅव्हिस हेडने कसोटी क्रिकेटच्या इतिहासात लक्ष्याचा पाठलाग (Target Chase) करताना सर्वात कमी चेंडूंमध्ये शतक झळकावण्याचा विक्रम आपल्या नावावर केला.
हेडचे हे शतक ऑस्ट्रेलियासाठी कसोटी क्रिकेटमध्ये संयुक्तपणे तिसरे सर्वात वेगवान शतक ठरले. त्याने डेव्हिड वॉर्नरच्या 69 चेंडूंमधील शतकाची बरोबरी साधली.
ऑस्ट्रेलियात कसोटी क्रिकेटमध्ये प्रथमच सलामीवीर म्हणून फलंदाजीला उतरण्याची संधी ट्रॅव्हिस हेडला मिळाली आणि त्याने या संधीचा पुरेपूर फायदा घेतला.
या शतकी खेळीदरम्यान ट्रॅव्हिस हेडने कसोटी क्रिकेटमध्ये आपल्या 4000 धावांचा टप्पा देखील पूर्ण केला. हे हेडचे कसोटी कारकिर्दीतील 10वे शतक आहे.