Pranali Kodre
न्यूझीलंड विरुद्ध पाकिस्तान संघात 12 जानेवारी 2024 रोजी टी20 मालिकेतील पहिला सामना ऑकलंडला पार पडला.
या सामन्यात न्यूझीलंडने 46 धावांनी विजय मिळवला.
न्यूझीलंडच्या या विजयात टीम साऊदीने 4 विकेट्स घेत मोलाचा वाटा उचलला.
याबरोबरच साऊदीने एक मोठा विक्रमही केला आहे. त्याने आंतरराष्ट्रीय टी20 क्रिकेटमध्ये 150 विकेट्स पूर्ण केल्या.
साऊदीच्या आता 118 आंतरराष्ट्रीय टी20 सामन्यांमध्ये 151 विकेट्स झाल्या आहेत.
त्यामुळे साऊदी आंतरराष्ट्रीय टी20 क्रिकेटमध्ये 150 विकेट्स घेणारा पहिलाच गोलंदाज ठरला आहे.
साऊदीने त्याच्या आंतरराष्ट्रीय टी20 क्रिकेट कारकिर्दीत दोन वेळा डावात 5 विकेट्स घेण्याचा कारनामाही केला आहे.
साऊदीनंतर आंतरराष्ट्रीय टी20 क्रिकेटमध्ये सर्वाधिक विकेट्स घेणाऱ्या गोलंदाजांच्या यादीत दुसऱ्या क्रमांकावर शाकिब अल हसन (140 विकेट्स) आहे.