Pranali Kodre
ऑस्ट्रेलियामध्ये बिग बॅश लीग 2023-24 स्पर्धा सुरू आहे. या स्पर्धेत 12 जानेवारी रोजी सिडनी थंडर विरुद्ध सिडनी सिक्सर्स संघात सिडनीला सामना झाला.
या सामन्याआधी थंडरकडून खेळण्यासाठी सलामीवीर डेव्हिड वॉर्नरची थेट हेलिकॉप्टरमधून एन्ट्री झाली.
वॉर्नर भावाच्या लग्नासाठी हंटर वॅलीमध्ये गेला होता. त्यामुळे तेथून त्याला सिडनीच्या मैदानात हेलिकॉप्टरमधून आणण्यात आले.
वॉर्नर सामन्यासाठी स्थानिकवेळेनुसार संध्याकाळी 5 वाजण्याच्या आधी सिडनी क्रिकेट ग्राऊंडवर पोहोचला.
तो हेलिकॉप्टरमधून मैदानात उतरतानाचे अनेक फोटो आणि व्हिडिओ व्हायरल होत आहे.
दरम्यान, थंडर विरुद्ध सिक्सर्स संघात झालेल्या सामन्यात सिक्सर्सने 19 धावांनी विजय मिळवला.
या सामन्यात सिक्सर्सने दिलेल्या 152 धावांच्या आव्हानाचा पाठलाग करताना थंडरने 19.5 षटकात सर्वबाद 132 धावा केल्या.
थंडरकडून वॉर्नरने सर्वाधिक 37 धावांची खेळी केली. पण त्याला संघाला विजय मिळवून देता आला नाही.