Pranali Kodre
भारतात 13 वा वनडे वर्ल्डकप खेळवण्यात येत आहे.
या वनडे वर्ल्डकप 2023 स्पर्धेत भारताने शानदार खेळ केला असून उपांत्य फेरीत प्रवेशही केला आहे.
भारताने साखळी फेरीतील सर्व 9 सामन्यांमध्ये विजय मिळवला आहे.
त्यामुळे भारत वर्ल्डकप 2023 स्पर्धेत सर्व 9 साखळी सामने जिंकणारा एकमेव संघ आहे.
भारताने वर्ल्डकप 2023 स्पर्धेत ऑस्ट्रेलिया, अफगाणिस्तान, पाकिस्तान, बांगलादेश, न्यूझीलंड, इंग्लंड, श्रीलंका, दक्षिण आफ्रिका, नेदरलँड्स या संघांना साखळी फेरीत पराभूत केले आहे.
त्यामुळे भारतीय संघ आता अपराजित राहत उपांत्य सामना खेळणार आहे.
भारताचा उपांत्य सामना न्यूझीलंडविरुद्ध 15 नोव्हेंबर रोजी मुंबईतील वानखेडे स्टेडियमवर होणार आहे.
भारतीय संघासाठी हा वनडे वर्ल्डकपमधील सलग चौथा उपांत्य सामना असेल. यापूर्वी भारताने 2011, 2015 आणि 2019 वर्ल्डकपमध्येही उपांत्य सामना खेळला आहे.