Pranali Kodre
न्यूझीलंड क्रिकेट संघाने वर्ल्डकप 2023 स्पर्धेत 9 साखळी फेरीतील 5 सामने जिंकून उपांत्य फेरीतील प्रवेश निश्चित केला.
त्यामुळे न्यूझीलंडने सलग पाचव्यांदा वर्ल्डकपच्या उपांत्य फेरीत पोहचण्याचा पराक्रम केला आहे.
न्यूझीलंडने 2007, 2011, 2015, 2019 आणि 2023 अशा सलग पाच वर्ल्डकपमध्ये उपांत्य सामना खेळला आहे.
तसेच त्यापूर्वी न्यूझीलंडने 1975, 1979, 1992, 1999 या वनडे वर्ल्डकपमध्ये देखील उपांत्य सामना खेळला आहे.
म्हणजेच न्यूझीलंडने आत्तापर्यंत झालेल्या 13 वनडे वर्ल्डकपपैकी 9 स्पर्धांमध्ये उपांत्य सामना खेळला आहे.
त्यातील 2015 आणि 2019 असे गेल्या सलग 2 वर्ल्डकप स्पर्धांमध्ये न्यूझीलंडने उपांत्य सामना जिंकून अंतिम सामना खेळला होता, मात्र दोन्ही वेळी त्यांना उपविजेतेपदावर समाधान मानावे लागले.
तसेच उर्वरित 1983 आणि 1987 वर्ल्डकपमध्ये न्यूझीलंडचे आव्हान साखळी फेरीतच संपले होते, तसेच 2003 साली सुपर सिक्समध्ये न्यूझीलंड 5 व्या क्रमांकावर राहिले. 1996 साली न्यूझीलंड उपांत्यपूर्व फेरीत पराभूत झाले.