Pranali Kodre
भारतीय संघाने 26 फेब्रुवारी 2024 रोजी इंग्लंडविरुद्ध कसोटी मालिकेतील चौथा सामना 5 विकेट्सने जिंकला.
या विजयासह भारताने पाच सामन्यांच्या मालिकेत 3-1 अशी आघाडी घेत विजयही निश्चित केला आहे.
दरम्यान, भारताचा हा मायदेशातील सलग 17 वा मालिका विजय आहे.
साल 2013 पासून भारतीय संघ 17 कसोटी मालिका मायदेशात खेळला आहे. यातील सर्व कसोटी मालिकेच भारताने विजय मिळवला आहे.
त्यामुळे मायदेशात सर्वाधिक सलग मालिका विजय मिळवणाऱ्या संघांच्या यादीत भारतीय संघ अव्वल क्रमांकावर आहे.
मायदेशात सर्वाधिक सलग मालिका विजय मिळवणाऱ्या संघांच्या यादीत दुसऱ्या क्रमांकावर ऑस्ट्रेलिया आहे.
ऑस्ट्रेलियाने नोव्हेंबर 1994 ते जानेवारी 2001 दरम्यान मायदेशात सलग 10 मालिका जिंकल्या होत्या.
तसेच जुलै 2004 ते नोव्हेंबर 2008 दरम्यान देखील ऑस्ट्रेलियाने सलग 10 मालिका मायदेशात जिंकल्या होत्या.