Pranali Kodre
भारताचा अनुभवी वेगवान गोलंदाज मोहम्मद शमीबाबत एक मोठी बातमी 26 फेब्रुवारी 2024 रोजी समोर आली आहे.
शमी वर्ल्डकप 2023 पासून डाव्या पायाच्या दुखापतीचा सामना करत आहे. आता असे समोर आले आहे की त्याच्या टाचेच्या वरच्या भागाची शस्त्रक्रिया करण्यात आली आहे.
शमीवर युनायटेड किंगडममध्ये शस्त्रक्रिया करण्यात आली आहे.
शस्त्रक्रिया झाली असल्याचे स्वत: शमीने पोस्ट करून सांगितले आहे.
शमीने याबद्दल सांगितले की त्याची शस्त्रक्रिया यशस्वी झाली असून त्यातून सावरण्यासाठी काही काळ जाईल. पण लवकरच स्वत:च्या पायावर उभे राहण्यास उत्सुक आहे.
या शस्त्रक्रियेमुळे शमी आगामी आयपीएल 2024 हंगामातूनही बाहेर झाला आहे.
आता भारतीय संघव्यवस्थापनेला आशा असेल की शमी जूनमध्ये होणाऱ्या टी20 वर्ल्डकपपर्यंत पूर्ण तंदुरुस्त होईल.