Sameer Amunekar
ताजमहालमध्ये अनेक रहस्ये आहेत. असेच एक रहस्य म्हणजे ताजमहालचा बदलता रंग.
असं म्हणतात की सूर्योदय आणि सूर्यास्ताच्या वेळी ताजमहालचा रंग बदलतो. आज आपण यामागील सत्य जाणून घेऊया.
ताजमहालचा मुख्य भाग संगमरवरी आहे. संगमरवर हा एक पारदर्शक दगड आहे जो प्रकाश शोषून घेतो आणि तो परत परावर्तित करतो. सूर्यप्रकाशाचे वेगवेगळे किरण संगमरवरावर आदळतात आणि वेगवेगळ्या रंगात परावर्तित होतात
सूर्योदय आणि सूर्यास्ताच्या वेळी सूर्यप्रकाश थेट ताजमहालवर पडतो. यावेळी लाल, नारिंगी आणि गुलाबी किरणे जास्त असतात. हे किरण संगमरवरावर आदळतात आणि ताजमहाल गुलाबी, सोनेरी रंगाचा दिसतो.
ताजमहालचा बदलता रंग काही प्रमाणात पाहणाऱ्याच्या दृष्टीवर देखील अवलंबून असतो. वेगवेगळ्या कोनातून पाहिल्यास ताजमहालचा रंग वेगवेगळा दिसतो.
याशिवाय, वातावरणातील धूळ, धूर आणि आर्द्रता देखील ताजमहालच्या रंगावर परिणाम करते.