Sameer Amunekar
मेकअप करण्यापूर्वी चेहरा सौम्य फेसवॉशने स्वच्छ धुवा. यामुळे त्वचेवरील अतिरिक्त तेल आणि घाण निघून जाईल, ज्यामुळे मेकअप त्वचेवर नीट बसेल.
मेकअप सुरू करण्यापूर्वी एका मऊ कपड्यात बर्फाचा तुकडा घेऊन चेहऱ्यावर २-३ मिनिटे मसाज करा. यामुळे रोमछिद्रे (Pores) आकुंचन पावतात आणि घाम येण्याचे प्रमाण कमी होते.
उन्हाळ्यात किंवा घामामुळे मेकअप टिकवण्यासाठी 'मॅट फिनिश' देणारे प्रायमर वापरा. हे तुमच्या मेकअपला बेस म्हणून घट्ट पकडून ठेवते आणि तेलकटपणा रोखते.
घामाच्या त्रासापासून वाचायचे असेल तर जाड थराचा (Heavy Base) मेकअप टाळा. फाउंडेशनऐवजी बीबी (BB) क्रीम किंवा सीसी (CC) क्रीम वापरणे अधिक फायदेशीर ठरते.
काजळ, लायनर आणि मस्कारा नेहमी 'वॉटरप्रूफ' असावा. यामुळे घामामुळे डोळ्यांभोवती मेकअप पसरणार नाही आणि तुमचा लूक फ्रेश दिसेल.
लिक्विड फाउंडेशन किंवा कन्सीलर लावल्यानंतर ते लूज पावडर किंवा कॉम्पॅक्ट पावडरने सेट करायला विसरू नका. यामुळे चेहऱ्यावरील ओलावा शोषला जातो.
मेकअप पूर्ण झाल्यावर 'मेकअप सेटिंग स्प्रे' नक्की वापरा. हा स्प्रे तुमच्या मेकअपला तासनतास जागेवर टिकवून ठेवतो आणि घामामुळे तो वाहून जाण्यापासून वाचवतो.