Pranali Kodre
दक्षिण आफ्रिका विरुद्ध भारत संघात 14 डिसेंबर रोजी जोहान्सबर्गला टी20 मालिकेतील तिसरा सामना पार पडला. या सामन्यात भारताने 106 धावांनी विजय मिळवला.
या विजयात सूर्यकुमार यादवने शतक करत मोलाचा वाटा उचलला. याबरोबरच त्याने विश्वविक्रमालाही गवसणी घातली.
सूर्यकुमारने 56 चेंडूत 7 चौकार आणि 8 षटकारांसह 100 धावांची खेळी केली. सूर्यकुमारचे हे आंतरराष्ट्रीय टी20 क्रिकेटमधील चौथे शतक ठरले.
दरम्यान, सूर्यकुमार आंतरराष्ट्रीय टी२० क्रिकेटमध्ये चार वेगवेगळ्या देशात शतक करणारा जगातील पहिलाच क्रिकेटर ठरला आहे.
सूर्यकुमारने इंग्लंड, न्यूझीलंड, भारत आणि दक्षिण आफ्रिका असे चार वेगवेगळ्या देशात आंतरराष्ट्रीय टी20 क्रिकेटमध्ये शतक ठोकले आहे.
दरम्यान, सूर्यकुमारव्यतिरिक्त ग्लेन मॅक्सवेल आणि रोहित शर्मा यांनीही आंतरराष्ट्रीय टी20 क्रिकेटमध्ये चार शतके ठोकली आहेत, पण त्यांनी ही चारही शतके चार वेगळ्या देशात ठोकलेली नाहीत.
आंतरराष्ट्रीय टी20 क्रिकेटमध्ये ग्लेन मॅक्सवेलने भारतात दोन शतके आणि ऑस्ट्रेलिया व श्रीलंकेत प्रत्येकी एक शतक केले आहे. तसेच रोहितने तीन शतके भारतात आणि एक शतक इंग्लंडमध्ये केले आहे.
दरम्यान, आंतरराष्ट्रीय टी20 क्रिकेटमध्ये सूर्यकुमार, मॅक्सवेल आणि रोहित यांच्या नावावर संयुक्तरित्या 4 शतके करण्याचा विश्वविक्रम आहे.