Pranali Kodre
सनरायझर्स हैदराबाद संघाने आगामी इंडियन प्रीमियर लीग 2024 हंगामासाठी 4 मार्च रोजी नव्या वेगवान गोलंदाजी प्रशिक्षकाची घोषणा केली आहे.
आयपीएल 2024 हंगामात न्यूझीलंडचा माजी गोलंदाज जेम्स फ्रँकलिन वेगवान गोलंदाजी प्रशिक्षकाची जबाबदारी सांभाळणार आहे.
डेल स्टेनने त्याच्या वैयक्तिक कारणामुळे आयपीएल 2024 हंगामातून विश्रांती घेतल्याने त्याच्या जागेवर फ्रँकलिनची नियुक्ती करण्यात आली आहे.
फ्रँकलिनने 31 कसोटी, 110 वनडे आणि 38 आंतरराष्ट्रीय टी20 सामने खेळले आहेत. तो आयपीएलमध्ये 2011 आणि 2012 च्या हंगामात मुंबई इंडियन्सकडून खेळला आहे.
फ्रँकलिनला काउंटी क्रिकेटमध्ये आणि पाकिस्तान सुपर लीगमध्ये प्रशिक्षणाचा अनुभव आहे.
दरम्यान, सनरायझर्स हैदराबादची ही ४ मार्च रोजी केलेली दुसरी मोठी घोषणा आहे.
4 मार्च रोजीच सनरायझर्स हैदराबादने आयपीएल 2024 साठी कर्णधार म्हणून पॅट कमिन्सची नियुक्ती केली आहे.