Sameer Amunekar
उन्हाळ्यात कडक उन्हामुळे त्वचा जळजळते. अशा वेळी ताजी कोरफड जेल चेहऱ्याला लावल्यास त्वचेला त्वरित थंडावा मिळतो आणि सनबर्नचा त्रास कमी होतो.
कोरफडीमध्ये अँटी-बॅक्टेरियल गुणधर्म असतात. रात्री झोपण्यापूर्वी पिंपल्सवर कोरफड जेल लावल्यास बॅक्टेरिया नष्ट होतात आणि सूज कमी होण्यास मदत होते.
उन्हाळ्यात त्वचा जास्त तेलकट होते, ज्यामुळे मुरूम येतात. कोरफड त्वचेतील जास्तीचे तेल शोषून घेते आणि रोमछिद्रे (Pores) स्वच्छ ठेवते.
जर चेहऱ्यावर काळे डाग असतील, तर कोरफड जेलमध्ये लिंबाचे काही थेंब मिसळून लावा. यामुळे त्वचा डिटॉक्स होते आणि डाग फिके पडतात.
उन्हाळ्यात घामामुळे त्वचा डिहायड्रेट होते. कोरफडीमध्ये ९०% पेक्षा जास्त पाणी असते, जे त्वचेचा ओलावा टिकवून धरते आणि त्वचा तजेलदार ठेवते.
चेहऱ्यावर फ्रेशनेस हवा असेल, तर कोरफड जेल आणि गुलाब पाणी एकत्र करून चेहऱ्याला मसाज करा. यामुळे चेहऱ्यावर नैसर्गिक ग्लो येतो.
कोरफडीचे पान कापल्यानंतर त्यातील पिवळा डिंक पूर्णपणे काढून टाकावा. जेल लावण्यापूर्वी पॅच टेस्ट करा, जेणेकरून खाज किंवा रॅशेस येणार नाहीत.