Sameer Amunekar
घटस्फोटानंतर लगेचच कोणत्याही नव्या नात्यात शिरणं टाळा. आधी मानसिक आणि भावनिक दृष्टिकोनातून स्वतःला सावरायला वेळ द्या.
मागील नात्यात काय चुकलं, काय शिकता आलं याचा प्रामाणिक विचार करा. त्या चुका नवीन नात्यात टाळणं आवश्यक आहे.
नव्या नात्यात शिरण्याआधी तुम्ही भावनिकदृष्ट्या स्थिर आणि सकारात्मक असायला हवं. आधीच्या दुःखाचं ओझं घेऊन नवं नातं सुरू होऊ नये.
तुमचं आयुष्य केवळ जोडीदाराभोवतीच फिरतंय का? की तुम्ही स्वतःचं स्वतंत्र आयुष्य जगू शकता? ही ओळख पक्की करा.
फक्त एकटेपणा भरून काढण्यासाठी कुणालाही स्वीकारू नका. जोडीदाराची विचारसरणी, स्वभाव आणि मूल्यं तपासून घ्या.
नव्या नात्यात कोणत्याही गोष्टी लपवू नका. तुमच्या पूर्वीच्या नात्याबाबत प्रामाणिक राहा, संवाद हा विश्वासाचा पाया असतो.
नवीन नात्याची जबाबदारी, अडथळे आणि गुंतवणूक यासाठी तुम्ही पूर्णतः तयार आहात का, हे स्वतःलाच विचारा.