Manish Jadhav
गोव्याला समृद्ध असा ऐतिहासिक वारसा लाभला आहे. गोव्यातील किल्ले आजही या ऐतिहासिक वारशाची साक्ष्य देतात.
गोव्यात अनेक प्रसिद्ध असे किल्ले आहेत. आज आपण या वेबस्टोरीच्या माध्यमातून राशोलच्या किल्ल्याविषयी जाणून घेणार आहोत...
दक्षिण गोव्यातील सासष्टी तालुक्यात मडगावच्या ईशान्येस साधारण 5 कि.मी. अंतरावर हा किल्ला आहे.
आता या किल्ल्याचे काही थोडेफार अवशेष शिल्लक आहेत. त्यामध्ये किल्ल्याचे प्रवेशद्वार आणि खंदक आपल्याला दिसतात. किल्ल्याच्या प्रवेशद्वारातून आपला राशोल गावात प्रवेश होतो.
मुस्लीम बहामनी साम्राज्यात हा किल्ला बांधण्यात आला. पुढे हा किल्ला आदिलशहाकडे गेला.
राजा कृष्णदेवराय याने आदिलशहाकडून तो आपल्या ताब्यात घेतला. पुढे तो पोर्तुगीजांकडे आला. नंतर तो शेवटपर्यंत पोर्तुगीजांच्या ताब्यात राहिला.
तुम्ही गोवा ट्रीप प्लॅन करत असाल तर नक्की राशोल किल्ला पाहिला पाहिजे.